BGS - 16 წლისაა!
BGS celebrates its 16th anniversary!
ერთადერთი ორატესტატიანი (საერთაშორისო ბრიტანული და ქართული) სკოლა
The only school in Georgia issuing two certificates (British International and Georgian)
BGS - 16 წლისაა!
BGS celebrates its 16th anniversary!
ერთადერთი ორატესტატიანი (საერთაშორისო ბრიტანული და ქართული) სკოლა
The only school in Georgia issuing two certificates (British International and Georgian)
BGS - 16 წლისაა!
BGS celebrates its 16th anniversary!
ერთადერთი ორატესტატიანი (საერთაშორისო ბრიტანული და ქართული) სკოლა
The only school in Georgia issuing two certificates (British International and Georgian)
previous arrow
next arrow
Slider

წერილი ჩემს აფხაზ თანატოლს

ძვირფასო მეგობარო,
ჩემო ძმაო, ჩემო დაო, ჩემო განუყოფელო ნაწილო, შენთან მინდა! მომენატრე! თითქოს, ექიმებმა ჩემს სხეულს ორგანო ამოაცალეს. საქართველო არ შედგება თქვენს გარეშე ისევე, როგორც ჩვენს გარეშე. დარწმუნებული ვარ, ძალიან გენატრებით და არ იფიქროთ, რომ თქვენზე სრულიად არ ვფიქრობთ და არ გვაღელვებს ჩვენი სისხლი და ხორცი სად იხეტიალებს. პირიქით, უკვე წლებია ვფიქრობთ და თავს ვიჭყლეტ, თუ როგორ დაგაბრუნოთ. შეიძლება ეს არ გინდოდეთ და არც გაძალებთ, მაგრამ მინდა იცოდეთ, რომ ჩვენ არ გემტერებით. თითოეულ ჩვენთაგანს უყვარხართ და ძალიან მადლიერნი ვართ, რომ სწორედ თქვენ გსურდათ საქართველოს გაერთიანება. არ მინდა, ტყუილად დაგაიმედოთ, მაგრამ რა ვქნა?! ცოტათი მაინც შევიმსუბუქოთ ჩვენი დარდი და ვარამი. მოდი დავწეროთ ლექსები, სიმღერები, ჩავწეროთ გულისამაჩუყებელი კლიპები, სადაც ყველას ვაჩვენებთ, რომ საკუთარი ოჯახი გვჭირდება, გვინდა თქვენი დაბრუნება, მჭიდროდ, თბილად ჩახუტება და იქიდან არასდროს გაშვება. ამას რომ მთელ მსოფლიოში გავავრცელებთ, იქნებ სხვა ქვეყნებმა რამენაირად ხელი გამოგვიწოდონ. იმედი კერ კიდევ არსებობს! ძალიან დიდი სურვილი მაქვს, ჩემო ძმაო და ძმაზე უტკბესო, რომ ყველაფერი სასიკეთოდ შეიცვალოს და შენ სახლში, ჩემთან დაბრუნდე! ამ წამს, აქედან მთელი სულით და გულით დიდ კოცნას გიგზავნი. მიდი დაიჭირე, გულში სამუდამოდ შეინახე და არ გაუშვა. შემდეგ შენც გამომიგზავნე და მეც იმავეს ვიზამ. მადლობა, რომ მომისმინე!

პატივისცემით, ანი ჩიქოვანი.

თბილისის წმ. გიორგის სახელობის ბრიტანულ-ქართული სკოლა (BGS) პირველი ბრიტანული ორიენტაციის სასწავლებელია საქართველოში. იგი 2003 წელს “ბრითიშ ქონექშენის” სახელწოდებით დაარსდა. სკოლამ 2013 წელს შეიცვალა სახელი, გახდა ბრიტანეთის საერთაშორისო სკოლების საბჭოს (COBIS) წევრი და საერთაშორისო სკოლის სტატუსი მიენიჭა. ამჟამად სკოლა ზოგადი განათლების სამსავე საფეხურს მოიცავს: დაწყებითს, საბაზოსა და საშუალოს.

BGS საერთაშორისო საგამოცდო ორგანიზაციის – Pearson Edexcel International Examination Centre – ერთადერთი რეგისტრირებული წევრია საქართველოში და სარგებლობს უფლებით, საკუთარ მოსწავლეებს ჩაუტაროს საერთაშორისო საატესტატო (IGCSE) და უნივერსიტეტში მისაღები (A Level) გამოცდები ქვეყნიდან გაუსვლელად, საკუთარ ტერიტორიაზე. ვრცლად …

Prof. Eka Kvachantiradze

დირექტორი გვამცნობს…

საგაზაფხულო არდადეგები ნაყოფიერი აღმოჩნდა მოსწავლეებისა და მასწავლებლებისათვის.

ჩვენი უფროსკლასელებისათვის, რომლებიც IGCSE-ის, AS-ისა და A level-ის გამოცდებისათვის ემზადებიან, არდადეგებმა სკოლაში საცდელი გამოცდებისათვის მზადებაში ჩაიარა. არდადეგების შემდეგ კი საცდელი გამოცდების საბოლოო რაუნდი ჩატარდა. საგამოცდო ნამუშევრები გაასწორეს მასწავლებლებმა. ნამუშევრებსა და შედეგებს გაეცნო დოქტორი გრინფილდი. მოსწავლეებს შედეგების მიხედვით მიეცათ რეკომენდაციები, როგორ მიაღწიონ საუკეთესო შედეგებს და რომელი საგანი ჩააბარონ. ზოგიერთ მოსწავლეს საკმაოდ ბევრი სამუშაო აქვს. მათ მაისსა და ივნისში სერიოზული საგამოცდო სესია ელით.

არდადეგების პერიოდში მასწავლებლებისათვის მოეწყო ორდღიანი გასვლითი სემინარი საირმეში, სადაც BGS-ის ეფექტური განვითარების სტრატეგია დაიგეგმა მასწავლებელთა აქტიური ჩართულობით.

მარტის მოკლე სასწავლო თვის მიუხედავად, საკმაოდ ბევრი საინტერესო და სახალისო სასწავლო, შემეცნებითი თუ სპორტული ღონისძიება ჩატარდა როგორც სკოლაში, ისე სკოლის გარეთ. ყველა ამ აქტივობის შესახებ დაწვრილებით იხილავთ ქვემოთ, თვის სიახლეებში.

დოქტორი გრინფილდი

დოქტორი გრინფილდი გვამცნობს…

საკმაოდ დატვირთული ორი კვირა გავატარე BGS-ში! მიუხედავად იმისა, რომ ჩემი ვიზიტის მთავარი მიზანი იყო ვყოფილიყავი გარე დამკვირვებელი საცდელ ბრიტანულ საერთაშორისო გამოცდებზე IX, X, XI და XII კლასებისათვის, მე მოხარული ვარ, რომ დამატებით წვლილი შევიტანე სკოლის ცხოვრებაში სხვა რამდენიმე ღონიძიებაში ჩართვით. ჩავატარე ასამბლეა, შევხვდი მოსწავლეების სხვადასხვა ჯგუფებს ცალ-ცალკე, ორჯერ შევხვდი დაწყებითი საფეხურის მოსწავლეებს.

სასიამოვნო იყო, რომ მომეცა საშუალება სკოლისთვის გამეცნო გასართობი საქველმოქმედო დღე, რომელიც დიდ ბრიტანეთში ცნობილია როგორც”წითელი ცხვირის დღე” – წითელი ცხვირი როგორც ცირკის ჯამბაზების სიმბოლო. ჩვენ ყველამ ვისიამოვნეთ ჩვენი „წითელი ცხვირის დღით“ BGS- ში და მადლობას ვუხდით ყველა მშობელს, რომელმაც ხელი შეუწყო ლეიკემიით დაზარალებული ბავშვებისთვის ფულადი დახმარების გაწევას. მე ასევე ჩავატარე მასწავლებელთა პროფესიული განვითარების სემინარი, რამდენიმე ახალ პედაგოგს დავესწარი გაკვეთილზე და ვისაუბრე სკოლის ღია კარის დღეზე 16 მარტს; 22 მარტს ვუხელმძღვანელე ცრუ სახანძრო განგაშის ჩატარებას.

ჩემი ძალისხმევა ძირითადად იმას მოხმარდა, რომ მასწავლებელს დავხმარებოდი საცდელი საგამოცდო ნამუშევრების გასწორებაში. ჩემი როლი მდგომარეობდა იმის დამოწმებაში, რომ მასწავლებელთა შეფასებები სრულად შეესაბამებოდა ბრიტანეთის საგამოცდო საბჭოს მიერ გაცემულ მითითებებს. მოსწავლეებს შეუძლიათ დარწმუნებული იყვნენ, რომ მათი ძალისხმევა ზუსტად ისე შეფასდა, როგორც ნამდვილ გამოცდაზე შეფასდებოდა. მოსწავლეები, რომლებიც სერიოზულად მოეკიდნენ საცდელ გამოცდებს, გაცილებით უკეთ მომზადებულები იქნებიან მაისსა და ივნისში ჩასაბარებელი ნამდვილი გამოცდებისათვის. წარმატებებს ვუსურვებ მათ!